I shkarkuari nga pozita e Kryeshefit Ekzekutiv të Telekomit, Bedri Istrefi ka thënë se do të shkojë në punë si gjithë.

Kjo pasi që vendimin për shkarkimin e tij e cilëson politik dhe jashtëligjor, e për këtë nuk e njeh.

“Njoftimin për shkarkim e ka dhënë ministrja Rozeta Hajdari, që është shkelje jashtëzakonisht e madhe ligjore, ndërhyrje direkte në vendimmarrjen e menaxhmentit dhe bordit. Përderisa i shoh këto vendime politike, çdo vendim politik për mu është i panjohshëm, për shkak se kam ardhë në këtë pozitë si person jo politik dhe me procedura ligjore tërësisht jo politike”, tha ai për arbresh.info.

Tutje Istrefi tha se shkarkimi i tij u bë nga një zyrë jashtë Telekomit, që mund të jetë edhe nga zyra e Vetëvendosjes.

“Do të shkojë në punë si gjithë, kallëzim penal ndaj ministres Hajdari, si dhe dy anëtarëve të bordit që kanë ardhur në mënyrë të jashtëligjshme. Janë emëruar dje në 18:30, sot është mbledhë bordi është ndërpre mbledhja, e jashtë Telekomit apo edhe në zyrën e Vetëvendosjes”, tha Istrefi.

Ai ka paralajmëruar padi për ministren Rozeta Hajdari dhe dy anëtarët e bordit të emëruar dje./arbresh.info/